الراجل طلب منى اسكت وواصل القراءه لحد ما الدخان أصبح كثيف جدا وبداء الشيخ يستعيذ بالله من الشيطان الرجيم ويردد ادعيه
وقالى يلا هنحفر! فعلا قعدت احفر لحد ما المقبره انفتحت، الشيخ طلع كشاف صغير وصوبه داخل المقبره وقال انا هدخل جوه
قلتله بلاش قالى متخفش، طالما الله معنا لن يصيبنا اى مكروه ونزل الشيخ المقبره وسمعت دعائه وتوسله لله واستجدائه
خرج بعد شويه من المقبره وقالى اسمع يا ابنى الأفضل تنقل رفات والدك فى مقبره تانيه وانا بأكدلك ان إلى بيحصل ده ملوش علاقه بوالدك خالص
وانك لما تنقله مقبره تانيه مش هتشوف اى دخان ولا اى حاجه سألت الراجل ده عن السبب لكنه امتنع خالص رغم توسلاتى
قال مقدرش افشيى سر الموتى وعملت إلى طلبه منى الشيخ نقلت رفات والدى لمقبره تانيه والحمد لله مفيش اى حاجه حصلت ووالدى بطل يجيلنا فى الحلم
رجعنا المنطقه تانى لكن ظل السر ده مأرقنى سنين طويله وفضلت علاقتى كويسه جدا مع الشيخ ده وبزوره دايما واتصل بيه
لحد ما جيه اليوم إلى ابن الشيخ هاتفنى فيه وقال إن والده طالب يشوفنى وهو على فراش الموت
جريت على مسكن الشيخ ولما وصلت كان وشه منور اول ما شافنى طلب منهم يخلو الغرفه وشاورلى أقرب منه
قال فاكر يا اسماعيل موسى الليله اياها؟ لما روحنا لوالدك المقابر وانت سألتنى عن السبب وانا واعتذرت قلتله فاكر
قالى قرب منى هقلك السبب، كان فيه راجل مدفون مع والدك فى المقبره وصوت الصراخ المرعب ده كان طالع منه، انا بعد الليله دى وبعد ما افترقت عنك بحثت عن الراجل ده لحد ما عرفت اسمه واسم عيلته
وقعدت ادور على السبب وعرفت ان الراجل كان واكل حق اولاد اخوه اليتامى وفعلا واجهت أولاده وقلتلهم ان والدكم بيتعذب
فى قبره وأنهم يردو المظالم لاهلها لكنهم قالو الفلوس دى من حقنا ورفضوا يرجعو حق اولاد عمهم اليتامى.
