قصة اختـفاء غامضة لفتاتين حصلت من عدة سنين واصدرت ضجة رهيبة في اوروبا وكانت النهاية مفـ.ـجعة وغير مفهمومة
قصة حصلت من عدة سنين واصدرت ضجة رهيبة في اوروبا
هده القصة حصلت من عدة سنين واصدرت ضجة رهيبة في اوروبا، وهي واحدة من اغرب واعجب القصص الغامضة التي ممكن ان تسمعوها في حياتكم تقريبا،
البنتين اللتان في هده الصورة
.
هدان الفتاتان من هولندا, من مقاطعة اسمها Amersfoort في هولندا، اسمائهم هي Kris Kremers و Lisanne Froon، تتراوح اعمارهم في ٢١ سنة و٢٢ سنة” ، هم اصدقاء متقربين جدا، الاتنين اتخرجوا من الجامعة “الاولى علوم تطبيقية والتانية دراسات ثقافية اجتماعية قسم فن”، ولان Froon اتخرجت ونجحت، فا البنتين قرروا كمكافأة لFroon يعني انهم يخططوا لرحلة سياحية مدتها شهر ونص في امريكا الجنوبية، واختاروا دولة بنما Panama.
فظاو ٦ شهور يخططوا ويجمعوا النقود وقرروا انهم يعملوا رحلة “سياحية وتعليمية”، يتعلموا اسباني من المحليين ويخدموا بعض الاطفال ويعلموهم،
هدا يجب ان يكون في ١٥ مارس سنة ٢٠١٤م اي من ٥ سنين.
المهم انهم وصلوا بنما فعلا في الوقت المحدد ومعاهم نقود وكاميرات وموبايلات والخطة الجميلة، والكلب كمان، قضوا اول اسبوعين ما بين معالم العاصمة والشوارع والمزارات لحد ما الاسبوع التاني كان الجزء التاني من الخطة.
كانوا متفقين مع عيلة يقعدوا معاهم استضافة لمدة شهر، وده نظام متبع عادي انك بدل ما بتنزل في فندق بتقعد مع عيلة هناك، الكلام ده في منطقة Boquete, Chiriquí في بنما،
والمنطقة دي عبارة عن غابات كثيفة وجبال، الطبيعة الجميلة ، واهو بالمرة يتطوعوا في تعليم وخدمة اطفال المنطقة فا صباح الفل، الكلام ده يوم ٢٩ مارس ٢٠١٤، ومكانوش لوحدهم يعني المنطقة كلها سياح حتي انهم اتعرفوا علي شابين ألمان معاهم وفطروا يوم سوا.
باتوا يومين، ويوم ١ ابريل سنة ٢٠١٤م صحيوا الصبح، فطروا بسرعة، وبعد الفطار عالساعة ١١ الصبح كدة مع الشابين الالمان، وبعدين اخدوا الكلب بتاعهم وقرروا يتمشوا شوية ناحية الغابات، تحديدا حتة اسمها غابة الغيوم اللي حوالين بركان اسمه بارو، فا عملوا باي باي للعيلة اللي قاعدين معاهم، واتحركوا.
اتصوروا الصورة اللي قدامكو دي اول صورة وتاني صورة، ونزلوها بوست عالفيس وكتبوا عليها انهم دلوقتي بيتمشوا حوالين الغابة شوية.
بعد كام ساعة كدة، العيلة المستضيفة اتفاجأت ان الكلب راجع لوحده من غيرهم، سليم ومفيهوش اي حاجة ولا قلقان ولا غيره، بس لوحده، وبدأوا يقلقوا من الاختفاء ده، بس يعني هما كبار تلاقيهم هيخيموا ولا حاجة في الغابة اصل جوها جميل يعني.
تاني يوم ٢ ابريل، لسة مفيش عنهم حس ولا خبر، وكانوا حاجزين مع مرشد محلي عشان يفسحهم شوية في الجبل، ولما جه الميعاد مجوش، وهنا بدأت العيلة تقلق، واللي يقلق اكتر انهم كانوا متعودين يبعتوا رسايل عالواتساب لعائلاتهم في هولندا كل يوم العادي بتاع اي عيلة، لكن الرسايل وقفت وطبعا موبايلاتهم مش شغالة.
تالت يوم ٣ ابريل البوليس المحلي بالاشتراك مع بعض العائلات منهم العيلة المستضيفة بدأوا حملة بحث في الغابة وحواليها عن البنتين، اليوم كله ومفيش حس ولا خبر، وطبعا اهلها في هولندا بلغوا البوليس وقلبوا الدنيا.
ونشرو هده الصورة للفتاتين وأوصافهم.
يوم ٦ ابريل اهاليهم وصلت بنما ومعاهم محققين هولنديين من الشرطة، واشتركوا مع شرطة بنما والاهالي والكلاب البوليسية في اكبر حملة بحث مكثفة عن البنتين في الغابة وحواليها وحتي المدن القريبة، بمكافأة ٣٠ الف دولار للي يدل عليهم، علي مدار ١٠ ايام بحث نقطة نقطة في الغابة، مفيش حس ولا خبر.
اختفت البنتين فجأة كدة من غير امل واحد في العثور عليهم، كأن الارض انشقت وبلعتهم فجأة… يتبع
قصة حصلت من عدة سنين واصدرت ضجة رهيبة في اوروبا الجزء الثاني
يوم ٦ ابريل اهاليهم وصلت بنما ومعاهم محققين هولنديين من الشرطة، واشتركوا مع شرطة بنما والاهالي والكلاب البوليسية في اكبر حملة بحث مكثفة عن البنتين في الغابة وحواليها وحتي المدن القريبة، بمكافأة ٣٠ الف دولار للي يدل عليهم، علي مدار ١٠ ايام بحث نقطة نقطة في الغابة، مفيش حس ولا خبر.
اختفت البنتين فجأة كدة من غير امل واحد في العثور عليهم، كأن الارض انشقت وبلعتهم فجأة
بعد١٠ اسابيع،
شهرين ونص كاملين علي اختفاؤهم، خلاص اهاليهم رجعوا بلدهم و قالولك اتخطفوا واتباعوا اعضاء ولا هربوا ولا حاجة، حملات عالفيس من صحابهم، لغز اختفاء البنتين وكدة، والبوليس حقق مع كل الناس، الاهالي، الشهود، فحصوا النهر يمكن غرقوا، اي حد معدي في الشارع، بحث كل يوم جوا الغابة، حملات اعلانية عن المكافأة واللي يدل او يرشد عليهم، ومبقاش فيه امل خلاص.
لحد ما واحدة ست من قرية بعيدة نسبيا عن الاحداث بس جمب الغابة، وبعد ١٠ اسابيع زي ما قلنا، راحت قسم الشرطة وسلمتهم شنطة ضهر زرقا لقتها علي حد قولها مرمية جمب قريتها Alto Romero في مزرعة رز في مقاطعة اسمها Bocas del Toro region، مع تأكيد الست انها امبارح الشنطة دي مكانتش موجودة وظهرت فجأة وسلمتها علي طول لما لقتها.
#لقيوا إيه في الشنطه أو البحث وصلهم لإيه ده اللي هنعرفه .يتبع
قصة حصلت من عدة سنين واصدرت ضجة رهيبة في اوروبا الجزء الثالث
البوليس فحص الشنطة لقاها شنطة Froon اللي هيا مختفية مع صاحبتها من شهرين ونص، فتحوا الشنطة بسرعة لقوا فيها نضارتين شمس وحمالتين صدر والباسبور بتاع Froon و٨٣ دولار، والاهم انهم لقوا الكاميرا الكانون بتاعت Froon، وموبايلاتهم هما الاتنين “سامسونج جالاكسي واي فون”، كلهم موجودين في الشنطة وحالتهم ممتازة ومترتبين ولا مبلولين ولا اي حاجة.
رجعت القضية تتفتح تاني بشكل اقوى خصوصا لما لقوا الموبايلات والكاميرا، كدة هيكون قدامهم انهم يفحصوا الحاجات دي يمكن يعرفوا هما راحوا فين.وهنا بقا بتبتدي الغرابة.
اولا هما فحصوا الموبايلات، من خلال الفحص الدقيق بقا لقوا ايه؟
من يوم ١ ابريل اللي هوا يوم الاختفاء الاول، الساعة ٤:٣٩ العصر، موبايل البنت الاولانية “كريمرز” الاي فون حاول يتصل بالطوارئ العالمية “١١٢” لكن مكنش فيه شبكة فالمكالمة مخرجتش، بعد دقايق “الساعة ٤:٥١” حاول موبايل فرون الجالاكسي انه يتصل بالطوارئ ١١٢ تاني لكن المكالمة موصلتش.
يوم ٢ ابريل “تاني يوم” محاولتين تانيين من الموبايلات لرقم ١١٢ مرتين ورقم النجدة المحلي ٩١١ ٣ مرات الساعة ٦ وربع المغرب والساعة ٧ الصبح و١١ الصبح بمجموع ٧ محاولات للاتصال،
يوم ٣ ابريل الساعة ٩ الصبح ٣ محاولات من موبايل كريمرز ل٩١١ منهم واحدة جمّعت لثانية والخط قطع، ومحاولة للبحث عن شبكة الساعة ٤ العصر، وكذلك موبايل فرون حاول يبحث عن الشبكة ٣ مرات مرتين الساعة ٢ الضهر ومرة مع موبايل كريمرز الساعة ٤ العصر. واتكررت المحاولات في اوقات مختلفة وغريبة يوم ٤ و٥ ابريل لحد ما يوم ٥ ابريل موبايل فرون الجالاكسي بطاريته فضيت الساعة ٥ الفجر ومات علي كدة، اما الموبايل الاي فون فا استمر في محاولات البحث عن شبكة يوميها ٩ مرات بلا جدوى،
يوم ٦ ابريل “اليوم السادس” حصلت ١٣ محاولة بحث عن الشبكة في الاي فون، لكن الغريب ان الPIN بتاع التليفون كان بيتحط غلط وكأن حد تاني بيلعب فيه.
فضل مقفول بعدها ٥ ايام، لحد ما يوم ١١ ابريل اتفتح تاني وتم البحث عن شبكة ٨ مرات الساعة ١١ الا عشرة بدري والPIN كان بيتحط غلط، وبعد كدة الساعة ١٢ الا اربع دقايق بس اتقفل خالص، ومظهرش تاني.
معناه ايه الكلام ده؟ مين كان بيلعب في الفون وليه كل محاولات الاتصال برقم الطوارئ دي وهما جوا الغابة؟ علي مدار ايام مش يوم واحد حتي، وليه الPIN بيتحط غلط؟ وليه بعد ١٠ ايام من اختفاؤهم؟….. يتبع
قصة حصلت من عدة سنين واصدرت ضجة رهيبة في اوروبا الجزء الرابع
معناه ايه الكلام ده؟ مين كان بيلعب في الفون وليه كل محاولات الاتصال برقم الطوارئ دي وهما جوا الغابة؟ علي مدار ايام مش يوم واحد حتي، وليه الPIN بيتحط غلط؟ وليه بعد ١٠ ايام من اختفاؤهم؟
المهم ان بعد بحث الفون قررت الشرطة تكثف بحثها اكتر عن اي معلومات او اي اثار جوا الغابة للبنتين، لان كدة واضح انهم يا لسة جوا مطلعوش وفيه حاجة غلط.
بدأوا نقطة البحث من المكان اللي الست لقت الشنطة فيه، وفضلوا يدوروا كام يوم لحد ما لقوا البنطلون الجينز بتاع كريمرز، متطبّق بعناية ومحطوط فوق صخرة جمب مجرى نهر جوا، علي بعد كام كيلو من مكان العثور علي الشنطة.
بعدها بشهرين جنب النهر بقا، لقوا فردة الكوتشي اللي كانت كريمرز لابساها، بس لقوها ووش رجلها لسة في مكانه جوا الكوتشي، ولقوا ٣٣ حتة عظام مرمية ومتناثرة حوالين ضفة النهر في مكان قريب من الشنطة، منها عضمة الحوض كاملة بتاعت كريمرز ومبيضة ومتنضفة كأنها ملحوسة، وبعض العظام للبنتين، ولاحظوا ان العضم الخاص بفرون كان الجلد لسة عليه، اما عضم كريمرز كان مبيض ومتنضف خالص، واتأكدوا من ده بعد فحص الDNA… يتبع
ولاحظوا ان العضم الخاص بفرون كان الجلد لسة عليه، اما عضم كريمرز كان مبيض ومتنضف خالص، واتأكدوا من ده بعد فحص الDNA.
كدة اتأكدوا انهم اتقتلوا، بس ليه وازاي؟ مفيش محاولة خطف مفيش مجرمين مفيش اي ادلة لاي حاجة.
هنا المحققين نسيوا حاجة مهمة جدا، هما ليه مفحصوش الكاميرا اللي لقوها بتاعت فرون؟؟ ازاي ينسوا يعملوا كدة؟؟
فتحوا الكاميرا وفرغوا الصور، وكان الاغرب والاغرب بقا في الص
اول مجموعة من الصور كانت عادية جدا للبنتين وهما بيتمشوا في الغابة وبيتصوروا بين الاشجار والزرع وكدة، ودول رجحوا انها صور اخدوها يوم ١ ابريل قبل اول مكالمة حاولوت يعملوها يعني قبل الساعة ٤:٣٩ العصر ودول ارقامهم بتنتهي عند الصورة 508.
بعد كدة بقا لقوا ان الصورة 509 ممسوحة، وممسوحة من الذاكرة نهائيا من غير اي امل لاستعادتها يعني ترتيب الصور ماشي من 508 ل510 علي طول.
من اول الصورة 510 بقا، مجموعة مكونة من.. يتبع
قصة حصلت من عدة سنين واصدرت ضجة رهيبة في اوروبا الجزء السادس والأخير
من اول الصورة 510 بقا، مجموعة مكونة من ٩٠ صورة اتاخدوا بتاريخ ٨ ابريل يعني بعد ٧ ايام من اختفاؤهم، متاخدين بالفلاش في قلب الليل والضلمة من جوا الغابة، صور غريبة وحاجات اغرب ملهومش معنى، ٩٠ صورة كاملين حد اخدهم من الساعة ١ الصبح لحد الساعة ٤ الفجر،
محدش فاهم الصور دي مين اخدها وليه ولايه، فيهم صور غريبة بتصور صخرة مثلا عليها مناديل تواليت وورق حلويات، او صورة لشعر كريمرز من ورا وعلي قفاها دم، او صورة لجرف، لو فتحت الصورة شوية هتلاقي تفاصيل غريبة زي راس طويلة لونها اخضر في الضلمة مثلا او عينين او اي حاجة، محدش عارف يحدد دول ايه ومين اخدهم.
الاغرب ان منطقة الغابات دي في بنما مش دي اول حالة اختفاء فيها، في ٢٠١٧م بعدها ب٣ سنين اختفت طالبة امريكية ولقوها مقتولة بعد ايام من اختفائها، وفيه غيرهم كتير اختفوا ومحدش عارف بيحصلهم ايه، الا ان حالة البنتين دول اتشهروا واخدوا صدى في الاعلام.
لحد يومنا ده، قضية قتلهم واختفاؤهم متحلتش، كل سنة يطلع تحليل جديد للقضية، منها مثلا ان عصابة خطفتهم، طب اتقطعوا واتنضفوا ليه؟ حاجتهم متسرقتش ليه؟ ومنها مثلا انهم اتزحلقوا ووقعوا وتاهوا جوا، طب اللي بيقفد الامل في الرجوع بيسيب رسالة وداع مثلا ولا كلمة ولا اثر، دول مسابوش ليه.
ايه اللي حصلهم ومين صور الصور دي هل كائن عاقل ولا كيان ولا هما ولا مين، مين استخدم تليفونهم، راحوا فين وفين بقية البقايا، لحد دلوقتي محدش عارف واهو لغز من ضمن الالغاز اللي ملهاش اي حل.
